José Ángel Gayol (Mieres, 1977). Escritor y críticu lliterariu, collabora davezu en dellos medios como les revistes lliteraries Clarín, Reloj de Arena, Paralelo Sur, Formientu, esTandoriu o’l diariu La Nueva España, ente otros.

Tien publicao artículos y cuentos en prensa y antoloxíes, asina como la novela Argonautes (Ámbitu, Uviéu, 2007), la obra de teatru Ensin noticies del fin del mundu (Universos, Mieres, 2011) y los poemarios Los poemes del oriental (Trabe, Uviéu, 2012), Los suaños y los díes (Trabe, Uviéu, 2012) y El llibru de les coses misterioses (Trabe, Uviéu, 2013).

Ye llicenciáu en Drechu pola Universidá d’Uviéu, llicenciáu n’Antropoloxía Social y Cultural pola UNED y Master n’Historia y Análisis Sociocultural pola Universidá d’Uviéu.